الذكي يجـــاوب.. وانت وضميرك

السؤال يا جماعة وبأختصار وعايز اسمع الردود بس تكون واقعية علشان احنا فى شهر رمضان والكدب حرام
تعمل ايه لو انت ماشى فى الشارع وقابلك راجل غلبان على باب الله وجيت تديله فلوس مالقتش معاك غير 100 جنيه ورقة واحدة وجنيه ورقة واحدة واديتله اللى فيه النصيب ومشيت وانت كلك ايمان وتقوى وبعد خطوتين تلاتة لقيت نفسك اديته ال 100 جنيه واللى معاك انت الجنيه ياترى هترجعلوا وتاخد منه الفلوس ولا هتقول حسبنا الله ونعم الوكيل وتحاول تشوف ايه دعاء الصبر وتشغل نفسك ل 3 سنين قدام علشان ماتفتكرش الحادث المفزع ده ولا هتعمل ايه وعايز الردود يا جماعة تكون واقعية ومن غير كذب وكل سنة وانتوا طيبين

مش عارف بس انا ممكن اسيبهالو وكله باجره

وعادة انا بيبقى معايا فلوس جنيهات والفلوس التانية بحطها فى جيب تانى

بما احنا فى رمضان والكدب حرام

زى ما انتى قلتى000

الحسنة طلعت وراحت لنصيبها

سواء جنية او عشرة او مائة000 الحسنة بعشرة امثالها

وربنا يجعلنا دائما من المحسنين

حاتكسف اروحله اقوله هات ال 100 جنيه

وحاسيبهالو وامرى لله

بصراحة يا بنوتة انا ما دام اقدر اجيب غيرها يبقى خلاص ارجع اخدها تانى ليه


ما دام الانسان يقدر يشتغل و يجيب فلوس يبقى ربنا يعوض بأحسن ان شاء الله


بس تكون النيو من قلبك

بصراحه يابنوته انا هسبهاله وامري الي الله لاني مش هينفع ارجع اخدها منه


وبعدين الحسنه بعشرة امثالها



شكرررررا لكي بنوته علي موضوعك الجميل

و كمان ممكن الانسان اللى يحصل معاه الموقف ده يكون مثلا مش بيشتغل بس ساب المائة جنيه دى بنية صافية ممكن ربنا يعوضه بيها او بأكتر







بس اه حاجة النية

ميرسي علي ردك
وذي ما قلت اهم حاجه النيه

اكيد هاسيبهاله يابنوتة

ربنا عايز كده واكيد هيكون محتاجها اكثر منى

وبعدين الحسنة بعشرة امثالها

سيدتى الغاليه طالما نويتى الخير

فلا تنظرى خلفك وما خرج فى سبيل الله فهو الى الله

وقد يرزقكك الله بااحسن منه

وحصل معاايا موقف مشابه زى كده

بس كانت خمسه جنيه وفعلا كنت معتقد ان معايا فلوس
تانيه وبعد ما مشيت لقيت انى نسيت الفلوس فى البيت

المهم ربنا مش بينسى حد وقابلت واحد صحبى كان عليه مبلغ ليا

واول ما شافنى سلم عليا ولقيته بيوقلى ابن حلال خد فلوسك

وفضلتك اضحك فالواد فكر انى بضحك عليه وكان هيزعل

لكن حكيتله فضحك وقالى كل شىء مقدر ومكتوب بميعاد

عموما اشكرك ياساره على الموضوع الجرىء

فعلا والله ربنا مبينساش حد ورزقك بواحد ادالك فلوس في نفس الوقت اللي انت اديت الخمسه جنيه لصاحب نصيبها

لا طبعا مش هرجع اخدها منه

لان ده هيكون نصيبه اللي ربنا قسمه ليه على ايدي

تحياتي اليكي يا قمر على طرحك الجديد

ميرسي علي مرورك دوللي
عطرتي صفحتي

بأمانة وبصراحة مش هعمل حاجة ولا حتى هزعل

لانى عارفة ان الفلوس دى قبل ماتتحط فى ايده بتتحط فى ايد ربنا

شكرااااا ليكى بنوتة على الموضوع

ميرسي يا بسكوته علي المرور والرد الجميل
تحياتي